*البدايه كانت مع تصريح البرادعي انه راجع مصر علشان يترشح للرئاسه
وانه هيطالب بتعديل مواد من الدستور علشان كل واحد شايف انه ممكن يكون رئيس
يحاول يترشح عن طريق تحقيق شروط سهلة مش معقده زي اللي كان حاططها حسني
مبارك وترزيه القوانين بتوعه وانه يكون في رقابه قضائيه على الانتخابات
بحيث يكون في قاضي على كل صندوق .
الواحد كان مش مصدق نفسه ان في واحد قدر يواجه نظام مبارك بأنه نازل الانتخابات ويطالب بتعديل الدستور بحيث يسمح له بالترشح للرئاسه كل ده كان لسه كلام ومافيش حاجه على الارض لكن لما الدكتور البرادعي قال انه جاي مصر واستقبلناه في المطار وحصل مباحثات ومشاورات مع كل القوى السياسيه بحيث اننا ازاي نوحد جهودنا علشان نقدر نقف قدام النظام ده وفعلا تم المراد بأذن الله تم الاتفاق على انشاء الجمعيه الوطنيه للتغيير ودي كانت نواة اول جماعه معارضه للنظام في مصر تضم مختلف اطياف المعارضه من اقصى اليمين الى اقصى اليسار… وطبعا بدأ اعلام الحكومه يشتم البرادعي ومايسميش عليه ….. ده هو اللي دخل امريكا العراق….ده بنته متجوزة واحد يهودي…… ده مراته مش مصريه…… ده معاه جنسيه تانيه… ولما غلبو خالص قالو ياجماعه ده عالم ومايفهمش حاجه في السياسه… والكلام ده جاب نتيجه مع الناس اللي مش بتحب تتأكد من المعلومه واللي الى حد ما مش متعلمين وجابت نتيجه عكسيه مع ناس تانيه بحيث ان التوكيلات بدأت تتعمل فعلا والمليون توكيل اللي كانو مطلوبين انهم يتعملو للبرادعي علشان يتكلم باسمنا لتغيير الدستور خلاص اتعملو وبدأت الجمعيه الوطنيه للتغيير يحصل فيها اختلافات في الرأي وناس تقول ان البرادعي قاعد برة مصر وسايب كل حاجه وبدأت الدنيا تبوظ بعد ماقولنا المعارضه اتوحدت ……………………………………………. بس دي كانت بدايه امل انه هيحصل حاجه في مصر واننا بدأنا نتكلم عن تغيير النظام فعليا بعد احتجاجات كفايه في2005و ظهور احسن شباب في مصر شباب 6 ابريل اللي كانو بيطالبو بحاجات كانت كل الناس موافقاهم عليها اهمها تحقيق العداله الاجتماعيه وحد ادنى للاجور 1200 جنيه في وقت كان الناس مش لاقيه تاكل ووقت كانت ناس كتير تخاف تعدي من قدام اقسام الشرطه هما كانو اول ناس كانو بيتظاهرو قدام وزارة الداخليه الشباب دول بجد الواحد يفخر بيهم لانهم عملو كتير من اللي ناس ماكانتش تعرف تعملو..
*وكان الخوف اللي مسيطر على الناس كلها ان مبارك يورث الحكم لجمال ابنه …… اللي كان يضايق أكتر من ان شكلنا هيبقى وحش قدام العالم كله واننا هنكون خرفان مش عارفين نعمل اي حاجه لمشروع التوريث ده أن جمال ده كان شخصيه غير مقبوله بالمرة……. طيب هيبقى رئيس اكبر دوله عربيه ازاي.
وبدأ النظام يسوق لفكرة ان جمال هو الرئيس اللي جاي و بدأ الناس يتكلمو عن الموضوع وكأنه امر واقع وكل ماتيجي تكلم حد تقوله ازاي يبقى رئيسنا واحد زي جمال مبارك…. يقولك والخوف مالي عنيه (والله جمال ده واحد كان طول عمره متربي في قصر الرياسة وخلاص هو وابوه شبعانين احنا لسه هنجيب واحد يتعلم فينا ويسرق من اول وجديد ياعمي اللي نعرفه احسن من اللي مانعرفوش) طبعا الناس كانت بتقول الكلام ده علشان هما خايفين من امن الدوله وحاسين ان كل كلامهم متراقب….. وجات الصدمه الكبيره للنظام لما البرادعي قال انا جاي اترشح للرئاسه وطبعا ماكانوش يقدرو يعملو حاجه مع البرادعي لانه شخصيه عالميه واعتقاله او منعه من دخول مصر هيقلب عليهم الدنيا فعملو معاه زي ماقولنا قبل كده انهم شوهوا صورته ده انا حتى فاكر اني كنت في بورسعيد ساعه ماتش مصر والجزائر في تصفيات كاس العالم واتغلبنا الماتش ده المهم تاني يوم لقيت يفط ماليه الشوارع شتيمه في الجزائر وشتيمه في رئيس اتحاد الكورة بتاعهم وجايبين صورته وهو واقف بيسلم على البرادعي كأنهم بيقولو للناس ادي البرادعي العميل الخاين اللي باع البلد وطبعا حبايب الحزب الوطني مايتوصوش وراحو ماليين الدنيا صور …..
المهم انهم فكرو ازاي نقدر نمرر موضوع التوريث ده عملو تحالفات بينهم وبين بعض وحاولو يفهمو امريكا ان جمال هو الافضل للمنصب مع ان امريكا كانت عايزة عمر سليمان وكمان ظبطو العادلي علشان ماتحصلش مظاهرات ضدهم والدليل على كده ان العادلي مااتشالش من الداخليه بعد تفجيرات شرم الشيخ مع ان ده سبب كفيل ان الحكومه كلها تقدم استقالتها و موضوع التوريث ده كان من اكبر الاسباب اللي ممكن تخلي الناس تفكر في الثورة …. وفكرو في حاجه اغبى ماتكون علشان يضمنو مجلس الشعب ومايكونش في معارضه وكانت فكرة ماتنمش غير عن غباء وتخلف اللي فكر فيها واللي وافقو عليها وهيا انهم ياخدو كل مقاعد مجلس الشعب مش الاغلبيه حتى ماسابوش كام كرسي للغلابه بتوع الاخوان اللي اتفقو معاهم في2005 ولا للتجمع ولا الوفد ولا كل المعارضه الكرتون دي المهم انهم اخدو 96% من البرلمان المهم ان الدنيا اتقلبت والناس بقت بتقول بحرقه وهما مش قادرين يعملو حاجه …(ماأحنا عارفين انهم هيزورو بس على الاقل كانو حبكوها احنا مش اغبيه ولا بهايم اوي كده) المهم المجلس طلع والناس كلها اعترضت والمعارضه الورق كان شكلها وحش اوي فكانت لازم يتحولو اسود وقالو حكومه ظل وبرلمان شعبي وده كله طبعا كان كلام فستك علشان هما ماكانوش هيعملو حاجه مع اسيادهم اللي كانو سايبينهم يشتغلو سياسه بمزاجهم علشان ياكلو عيش .
ماكانش في حد في البلد فعلا محروق اوي غيرنا احنا الشباب لان اللي حصل ده كان مقدمه انه لو اتقبل هتتم عمليه التوريث بكل سهوله وماحدش هيعترض زي ماسكتو مرة هيسكتو كل مرة…………………………………… ومن حسن الحظ اننا كنا متجمعين على قضيه هزت مصر كلها قبل موضوع مجلس الشعب وهي قضيه الشهيد خالد سعيد وكان كله مصمم ان حق خالد يرجع وان العادلي وظباطه يتحاكمو في كل القضايا اللي حصل فيها تعذيب ومرت الايام والناس بتغلي وغرور السلطه بيزيد و هيألهم ان الناس دي لايمكن نقدر تعمل حاجه لحد ماحصل تفجيرات القديسين في اسكندرية والناس خلاص مابقوش طايقين سواء كانو مسلمين او مسيحيين والداخليه بغبائها بدل ماتستغل اللي حصل ده لصالحها وتلم الناس حواليها وتقول دي ايادي خارجيه ولازم نتحد علشان نقدر نواجههم لكن لانهم مابيعرفوش حاجه غير التعذيب راحو قبضو على الشهيد سيد بلال وموتوه علشان اتهموه انه من الناس اللي عملت كده وهو كان كل ذنبه انه بدقن……………………………………………….
* وكانت في الوقت ده اخواتنا في تونس عاملين مظاهرات ضد بن علي وبيطالبو بأسقاط النظام طبعا كل ماتكلم حد في الشارع وتقولو تونس عملت ثورة يقولك ياعم احنا غير تونس والاعلام بتاعنا ماتوصاش في الموضوع ده وقعد يقول للناس ده بن علي كان مانعهم يصلو في الجوامع….. وكان محلل الزنا…. وكان مانع الراجل يتجوز اكتر من واحده…… طبعا الكلام ده اثر في ناس لكن لاول مرة مايأثرش على اغلبيه الناس وده اللي نفعنا بصراحه الواحد كان على أد ماكان فرحان بالثورة في تونس على أد ماكان مقهور ان مصر ام الدنيا ازاي ماتعملش ثورة تبهر العالم مع ان حالنا مايختلفش عن حال اخواتنا التوانسه ده لوماكانش اوحش منهم وساعتها كانت الدعوات للتظاهر يوم 25 بدأت تنتشر بطريقه غريبه وبقيت كل مااكلم حد في الشارع الاقيه متجاوب اللي كان واضح ان جزء من حاجز الخوف والصمت انكسر مع نجاح ثورة تونس وبقى الناس عندها امل في بكره………………………. وكان الشعارات اللي اتحططت للايفينت هي عيش..حريه ..عداله اجتماعيه وكان ابرز المطالب هي 1_اقاله حكومه احمد نظيف
2_وضع حد ادنى للاجور1200جنيه
3_حل مجلس الشعب المزور
و اختيار يوم 25 يناير اختيار مهم علشان ده يوم عيد الشرطه اللي هيا رمز كل حاجه وسخه في البلد من تعذيب لانتهاك اعراض لخطف سياسيين لفشل في انهم يخلصونا من البلطجه وتجارة المخدرات ده على العكس ده الداخليه هي اللي كانت بتسرح البلطجيه وتقولهم افشخو في الشعب وطلعو ميتين امه علشان مايفضاش للسياسه ومايفكرش فيها وغرقو البلد مخدرات علشان الشباب يبعد عن الواقع …………………………………..
*المهم ان ده كان سبب اختيار اليوم ودي كانت ابرز المطالب المعلنه لكن من جوانا كان الحلم الكبير هو اننا نقدر نشيل النظام اللي فضل موجود غصب عننا 30سنه وكمان عايز يكملها بأبنه والحمد لله جه يوم25 والمفاجأه كانت ان الناس اللي في الشارع كانت لاول مرة تشوف مظاهرة وماتتفرجش عليها انما كانو بينزلو يشاركو معانا لان الهتاف جمعنا كلنا ولقو ان دي هي مطالبهم عيش..حريه..عداله اجتماعيه والناس بدأت تشارك ويطلعلها صوت بعد السكوت اللي فضلو كتير عايشين فيه ….
الواحد كان مش مصدق نفسه ان في واحد قدر يواجه نظام مبارك بأنه نازل الانتخابات ويطالب بتعديل الدستور بحيث يسمح له بالترشح للرئاسه كل ده كان لسه كلام ومافيش حاجه على الارض لكن لما الدكتور البرادعي قال انه جاي مصر واستقبلناه في المطار وحصل مباحثات ومشاورات مع كل القوى السياسيه بحيث اننا ازاي نوحد جهودنا علشان نقدر نقف قدام النظام ده وفعلا تم المراد بأذن الله تم الاتفاق على انشاء الجمعيه الوطنيه للتغيير ودي كانت نواة اول جماعه معارضه للنظام في مصر تضم مختلف اطياف المعارضه من اقصى اليمين الى اقصى اليسار… وطبعا بدأ اعلام الحكومه يشتم البرادعي ومايسميش عليه ….. ده هو اللي دخل امريكا العراق….ده بنته متجوزة واحد يهودي…… ده مراته مش مصريه…… ده معاه جنسيه تانيه… ولما غلبو خالص قالو ياجماعه ده عالم ومايفهمش حاجه في السياسه… والكلام ده جاب نتيجه مع الناس اللي مش بتحب تتأكد من المعلومه واللي الى حد ما مش متعلمين وجابت نتيجه عكسيه مع ناس تانيه بحيث ان التوكيلات بدأت تتعمل فعلا والمليون توكيل اللي كانو مطلوبين انهم يتعملو للبرادعي علشان يتكلم باسمنا لتغيير الدستور خلاص اتعملو وبدأت الجمعيه الوطنيه للتغيير يحصل فيها اختلافات في الرأي وناس تقول ان البرادعي قاعد برة مصر وسايب كل حاجه وبدأت الدنيا تبوظ بعد ماقولنا المعارضه اتوحدت ……………………………………………. بس دي كانت بدايه امل انه هيحصل حاجه في مصر واننا بدأنا نتكلم عن تغيير النظام فعليا بعد احتجاجات كفايه في2005و ظهور احسن شباب في مصر شباب 6 ابريل اللي كانو بيطالبو بحاجات كانت كل الناس موافقاهم عليها اهمها تحقيق العداله الاجتماعيه وحد ادنى للاجور 1200 جنيه في وقت كان الناس مش لاقيه تاكل ووقت كانت ناس كتير تخاف تعدي من قدام اقسام الشرطه هما كانو اول ناس كانو بيتظاهرو قدام وزارة الداخليه الشباب دول بجد الواحد يفخر بيهم لانهم عملو كتير من اللي ناس ماكانتش تعرف تعملو..
*وكان الخوف اللي مسيطر على الناس كلها ان مبارك يورث الحكم لجمال ابنه …… اللي كان يضايق أكتر من ان شكلنا هيبقى وحش قدام العالم كله واننا هنكون خرفان مش عارفين نعمل اي حاجه لمشروع التوريث ده أن جمال ده كان شخصيه غير مقبوله بالمرة……. طيب هيبقى رئيس اكبر دوله عربيه ازاي.
وبدأ النظام يسوق لفكرة ان جمال هو الرئيس اللي جاي و بدأ الناس يتكلمو عن الموضوع وكأنه امر واقع وكل ماتيجي تكلم حد تقوله ازاي يبقى رئيسنا واحد زي جمال مبارك…. يقولك والخوف مالي عنيه (والله جمال ده واحد كان طول عمره متربي في قصر الرياسة وخلاص هو وابوه شبعانين احنا لسه هنجيب واحد يتعلم فينا ويسرق من اول وجديد ياعمي اللي نعرفه احسن من اللي مانعرفوش) طبعا الناس كانت بتقول الكلام ده علشان هما خايفين من امن الدوله وحاسين ان كل كلامهم متراقب….. وجات الصدمه الكبيره للنظام لما البرادعي قال انا جاي اترشح للرئاسه وطبعا ماكانوش يقدرو يعملو حاجه مع البرادعي لانه شخصيه عالميه واعتقاله او منعه من دخول مصر هيقلب عليهم الدنيا فعملو معاه زي ماقولنا قبل كده انهم شوهوا صورته ده انا حتى فاكر اني كنت في بورسعيد ساعه ماتش مصر والجزائر في تصفيات كاس العالم واتغلبنا الماتش ده المهم تاني يوم لقيت يفط ماليه الشوارع شتيمه في الجزائر وشتيمه في رئيس اتحاد الكورة بتاعهم وجايبين صورته وهو واقف بيسلم على البرادعي كأنهم بيقولو للناس ادي البرادعي العميل الخاين اللي باع البلد وطبعا حبايب الحزب الوطني مايتوصوش وراحو ماليين الدنيا صور …..
المهم انهم فكرو ازاي نقدر نمرر موضوع التوريث ده عملو تحالفات بينهم وبين بعض وحاولو يفهمو امريكا ان جمال هو الافضل للمنصب مع ان امريكا كانت عايزة عمر سليمان وكمان ظبطو العادلي علشان ماتحصلش مظاهرات ضدهم والدليل على كده ان العادلي مااتشالش من الداخليه بعد تفجيرات شرم الشيخ مع ان ده سبب كفيل ان الحكومه كلها تقدم استقالتها و موضوع التوريث ده كان من اكبر الاسباب اللي ممكن تخلي الناس تفكر في الثورة …. وفكرو في حاجه اغبى ماتكون علشان يضمنو مجلس الشعب ومايكونش في معارضه وكانت فكرة ماتنمش غير عن غباء وتخلف اللي فكر فيها واللي وافقو عليها وهيا انهم ياخدو كل مقاعد مجلس الشعب مش الاغلبيه حتى ماسابوش كام كرسي للغلابه بتوع الاخوان اللي اتفقو معاهم في2005 ولا للتجمع ولا الوفد ولا كل المعارضه الكرتون دي المهم انهم اخدو 96% من البرلمان المهم ان الدنيا اتقلبت والناس بقت بتقول بحرقه وهما مش قادرين يعملو حاجه …(ماأحنا عارفين انهم هيزورو بس على الاقل كانو حبكوها احنا مش اغبيه ولا بهايم اوي كده) المهم المجلس طلع والناس كلها اعترضت والمعارضه الورق كان شكلها وحش اوي فكانت لازم يتحولو اسود وقالو حكومه ظل وبرلمان شعبي وده كله طبعا كان كلام فستك علشان هما ماكانوش هيعملو حاجه مع اسيادهم اللي كانو سايبينهم يشتغلو سياسه بمزاجهم علشان ياكلو عيش .
ماكانش في حد في البلد فعلا محروق اوي غيرنا احنا الشباب لان اللي حصل ده كان مقدمه انه لو اتقبل هتتم عمليه التوريث بكل سهوله وماحدش هيعترض زي ماسكتو مرة هيسكتو كل مرة…………………………………… ومن حسن الحظ اننا كنا متجمعين على قضيه هزت مصر كلها قبل موضوع مجلس الشعب وهي قضيه الشهيد خالد سعيد وكان كله مصمم ان حق خالد يرجع وان العادلي وظباطه يتحاكمو في كل القضايا اللي حصل فيها تعذيب ومرت الايام والناس بتغلي وغرور السلطه بيزيد و هيألهم ان الناس دي لايمكن نقدر تعمل حاجه لحد ماحصل تفجيرات القديسين في اسكندرية والناس خلاص مابقوش طايقين سواء كانو مسلمين او مسيحيين والداخليه بغبائها بدل ماتستغل اللي حصل ده لصالحها وتلم الناس حواليها وتقول دي ايادي خارجيه ولازم نتحد علشان نقدر نواجههم لكن لانهم مابيعرفوش حاجه غير التعذيب راحو قبضو على الشهيد سيد بلال وموتوه علشان اتهموه انه من الناس اللي عملت كده وهو كان كل ذنبه انه بدقن……………………………………………….
* وكانت في الوقت ده اخواتنا في تونس عاملين مظاهرات ضد بن علي وبيطالبو بأسقاط النظام طبعا كل ماتكلم حد في الشارع وتقولو تونس عملت ثورة يقولك ياعم احنا غير تونس والاعلام بتاعنا ماتوصاش في الموضوع ده وقعد يقول للناس ده بن علي كان مانعهم يصلو في الجوامع….. وكان محلل الزنا…. وكان مانع الراجل يتجوز اكتر من واحده…… طبعا الكلام ده اثر في ناس لكن لاول مرة مايأثرش على اغلبيه الناس وده اللي نفعنا بصراحه الواحد كان على أد ماكان فرحان بالثورة في تونس على أد ماكان مقهور ان مصر ام الدنيا ازاي ماتعملش ثورة تبهر العالم مع ان حالنا مايختلفش عن حال اخواتنا التوانسه ده لوماكانش اوحش منهم وساعتها كانت الدعوات للتظاهر يوم 25 بدأت تنتشر بطريقه غريبه وبقيت كل مااكلم حد في الشارع الاقيه متجاوب اللي كان واضح ان جزء من حاجز الخوف والصمت انكسر مع نجاح ثورة تونس وبقى الناس عندها امل في بكره………………………. وكان الشعارات اللي اتحططت للايفينت هي عيش..حريه ..عداله اجتماعيه وكان ابرز المطالب هي 1_اقاله حكومه احمد نظيف
2_وضع حد ادنى للاجور1200جنيه
3_حل مجلس الشعب المزور
و اختيار يوم 25 يناير اختيار مهم علشان ده يوم عيد الشرطه اللي هيا رمز كل حاجه وسخه في البلد من تعذيب لانتهاك اعراض لخطف سياسيين لفشل في انهم يخلصونا من البلطجه وتجارة المخدرات ده على العكس ده الداخليه هي اللي كانت بتسرح البلطجيه وتقولهم افشخو في الشعب وطلعو ميتين امه علشان مايفضاش للسياسه ومايفكرش فيها وغرقو البلد مخدرات علشان الشباب يبعد عن الواقع …………………………………..
*المهم ان ده كان سبب اختيار اليوم ودي كانت ابرز المطالب المعلنه لكن من جوانا كان الحلم الكبير هو اننا نقدر نشيل النظام اللي فضل موجود غصب عننا 30سنه وكمان عايز يكملها بأبنه والحمد لله جه يوم25 والمفاجأه كانت ان الناس اللي في الشارع كانت لاول مرة تشوف مظاهرة وماتتفرجش عليها انما كانو بينزلو يشاركو معانا لان الهتاف جمعنا كلنا ولقو ان دي هي مطالبهم عيش..حريه..عداله اجتماعيه والناس بدأت تشارك ويطلعلها صوت بعد السكوت اللي فضلو كتير عايشين فيه ….
.jpg)
ليست هناك تعليقات:
إرسال تعليق