انا اسمي ماجد عايش مع اختي و امي , بس ابويا ميت
النهارده الخميس ليله الجمعه . قمت الصبح قبل ميعاد المحاضره بنص ساعه غسلت وشي علي السريع و حطت نتفت جيل في شعري و لبست اي هدوم لاقتها في وشي , نزلت اركب اي اتوبيس دخلت المحاضره متأخر و الدكتور هزئني شويه , فضلت اضحك و دخلت اقعدت جنب اي حد و اتكلمت معاه لغايه ما الدكتور طردني , روحت قعدت علي القهوه اشرب سجارتين مع اصحابي ,. رجعت بيتنا اكلت و بعد الاكل علطول نمت ساعتين , قمت و نزلت الشارع علي الساعه 8 مع اصحابي برضه ممكن اشرب سجارتين تفاريح بس المره ديه حشيش و قولنا نعاكس بنات , ما اصل مفيش بنت محترمه تنزل من بيتها بعد 9م و لو نزلت تبقي نزله عشان تتعاكس و فجاءه شافنا ظابط رخم و قفشنا , جرنا علي القسم و هناك المامور خد موبيلتنا و بطايقنا و ادنا كام قفا انا و اصحابي و قضينا الليله ديه في القسم بس مش في الزنزانه اصلنا اتصحبنا علي الظابط و كان معانا حته حشيش مخبينها ادنها له و كمان الواد صاحبي هو اللي لافها له و خرجنا علي وش الصبح روحت البيت لاقيت علي باب العماره ........
انا اسمي ماجده اخت ماجد ,
النهارده الخميس ليله الجمعه . قمت قبل ميعاد المحاضره بساعتين عقبال ما اغسل وشي و ألاقي حاجه البسها و تكون ماما معندهاش مشاكل في اللي حلبسه ده , و المهم نزلت بدري قبل ما المحطه تبقي زحمه بس الاتوبيس اتأخر , ركبته و كان في واحد مش محترم واقف لازق فيا , رحت بصت له , راح معلي صوته و الناس اتلمت و فضلت تهدي فيه و كأني مجنونه و انا اللي عصبته , نزلت في اقرب محطه و اخدت بقي الطريق للجامعه مشي وصلت متأخره الدكتور بص لي و قالي " نبقي نحترم المواعيد لو عاوزين نبقي ناس محترمين , اتفضلي يا انسه " و كانت بصته ليا زي الرصاصه كده و كنت حاسه اني حعيط , دخلت ملأتش اصحابي فرحت اقعدت لوحدي و الصراحه كان الدكتور بيقول كلام رخم كنت عاوزه اقوم بس كنت خايفه يهزئني مع ان في ولاد كتير كانوا بيخروجوا , المهم استنيت لاخر المحاضره مع انها طولت و طلعت اجري علي البيت عشان ماما متألأش و اول ما روحت ماما فضلت تسألني ايه اللي أخرك و كنتي مع مين و الكلام ده لغايه ما ماجد رجع , قالت لي " خلاص لينا كلام بعدين , يلا حطي الاكل لاخوكي عشان ياكل " اتغدينا انا و ماجد و ماما , و جينا نقوم ماما بصت ليا عشان اساعدها في غسيل المواعين و ماجد دخل ينام , غسلت المواعين و قعدت اتفرج علي التلفزيون مسلسلات تركي علي افلام عربي علي البرامج الممله بتاعه التوك شو لغايه ما ماجد قام و نزل بصيت لماما و قلت لها "ماما انا مخنوقه من البيت ممكن اروح لخالتي في اول الشارع " قالت لي لا مفيش نزول بعد الساعه 8 , قلت لها " اشمعنا ماجد ؟؟ " قالت لي عشان هو ولد .. , انا ساعتها كتمت في نفسي , ماما لاحظت , قالت لي خلاص تعالي ننزل نروح لخالتك نقعد نص ساعه و نرجع . فرحت اوي و طبعا بعد ما ماما اختارت لي اللبس نزلنا و روحنا لخالتي و احنا عندها جيه لخالتي تليفون ان جوزها وقع في الشغل و نقلوه لمستشفي, خالتي نزلت جري علي المستشفي و طبعا احنا معاها ماما بتحاول تتصل بماجد تليفونه مقفول و هي قلقانه عليه و انا أطمنها انه اكيد شحنه خلص و هي تقولي لو شحنه خلص ليه ميتصلش يطمن علينا او يطمنا عليه !! , المهم روحنا المستشفي لاقينا جوز خالتي حالته صعبه و المستشفي طالبه مبلغ تحت الحساب عشان تدخله العمليات , ماما عملت كل التليفونات الممكنه هي و خالتي و مفيش فايده , لغايه ما جوز خالتي مات في الاستقبال فجاءه خالتي اتجننت و فضلت تضرب في الرجل بتاع الحسابات بضوافرها لغايه ما شوهت له وشه و طلبوا لنا البوليس و دخلنا القسم مع خالتي و هناك الظابط محترمش سنها الكبير و لا قدر ظروفها و دخلها الزنزانه مع بتوع الدعاره و المخدرات , مكنش قدامنا انا و ماما غير ان احنا نرجع البيت عشان مكنش قدمنا حل تاني .. رجعنا و في الطريق انا و ماما مروحين علي وش الصبح و خلاص قربنا علي بيتنا اتلموا علينا كام شاب بيان عليهم شاربين و فضلوا يتلزقوا فينا و واحد منهم شدني من هدومي اقطعها , امي فضلت تصرخ لغايه ما واد منهم خرج ماطوه و ضربها في جنبها , فضلت تنزف و انا مش عارفه اعمل ايه ؟؟ جريوا كلهم فضلت اصرخ و قلت اوصل ماما لغايه البيت , عشان البيت كان قريب , يمكن ماجد يكون رجع يساعدني , قربت من البيت و انا مسنده ماما لاقيت ماجد داخل باب العماره , جري علينا :
ماجد : في ايه يا ماما ؟؟
امي : في ان امك اضربت و اختك اتبهدلت و انت و لا هنا , ليه كده يا ماجد , ده انت قلبي و روحي و عقلي و كل حاجه بالنسبه لي , انا كنت بقول لاختك ماجد ده راجل البيت بعد ابوكي , ربنا ينور طريقك يا ابني .
و فجاءه امي وقعت علي الارض .
____________________________________
, انا لا ماجد و لا ماجده , انا انسان عايش في مجتمع بيبص للبنت كانها حد ناقص لو زعقت في الشارع تبقي سافله اما لو ولد زعق يبقي راجل و و بياخد حقه , لو نزلت متأخر تبقي مش محترمه اما لو ولد يبقي حقه , لو غلطتت تستحق القتل اما لو ولد عادي بيتعلم .... للاسف عايش في مجتمع بيقسم الولد و البنت من مجرد الشكل خارجي و مش واخدين بلهم ان في بنات بميت راجل , و الوقت نفسه في رجاله لا متستحقش لقب راجل
النهارده الخميس ليله الجمعه . قمت الصبح قبل ميعاد المحاضره بنص ساعه غسلت وشي علي السريع و حطت نتفت جيل في شعري و لبست اي هدوم لاقتها في وشي , نزلت اركب اي اتوبيس دخلت المحاضره متأخر و الدكتور هزئني شويه , فضلت اضحك و دخلت اقعدت جنب اي حد و اتكلمت معاه لغايه ما الدكتور طردني , روحت قعدت علي القهوه اشرب سجارتين مع اصحابي ,. رجعت بيتنا اكلت و بعد الاكل علطول نمت ساعتين , قمت و نزلت الشارع علي الساعه 8 مع اصحابي برضه ممكن اشرب سجارتين تفاريح بس المره ديه حشيش و قولنا نعاكس بنات , ما اصل مفيش بنت محترمه تنزل من بيتها بعد 9م و لو نزلت تبقي نزله عشان تتعاكس و فجاءه شافنا ظابط رخم و قفشنا , جرنا علي القسم و هناك المامور خد موبيلتنا و بطايقنا و ادنا كام قفا انا و اصحابي و قضينا الليله ديه في القسم بس مش في الزنزانه اصلنا اتصحبنا علي الظابط و كان معانا حته حشيش مخبينها ادنها له و كمان الواد صاحبي هو اللي لافها له و خرجنا علي وش الصبح روحت البيت لاقيت علي باب العماره ........
انا اسمي ماجده اخت ماجد ,
النهارده الخميس ليله الجمعه . قمت قبل ميعاد المحاضره بساعتين عقبال ما اغسل وشي و ألاقي حاجه البسها و تكون ماما معندهاش مشاكل في اللي حلبسه ده , و المهم نزلت بدري قبل ما المحطه تبقي زحمه بس الاتوبيس اتأخر , ركبته و كان في واحد مش محترم واقف لازق فيا , رحت بصت له , راح معلي صوته و الناس اتلمت و فضلت تهدي فيه و كأني مجنونه و انا اللي عصبته , نزلت في اقرب محطه و اخدت بقي الطريق للجامعه مشي وصلت متأخره الدكتور بص لي و قالي " نبقي نحترم المواعيد لو عاوزين نبقي ناس محترمين , اتفضلي يا انسه " و كانت بصته ليا زي الرصاصه كده و كنت حاسه اني حعيط , دخلت ملأتش اصحابي فرحت اقعدت لوحدي و الصراحه كان الدكتور بيقول كلام رخم كنت عاوزه اقوم بس كنت خايفه يهزئني مع ان في ولاد كتير كانوا بيخروجوا , المهم استنيت لاخر المحاضره مع انها طولت و طلعت اجري علي البيت عشان ماما متألأش و اول ما روحت ماما فضلت تسألني ايه اللي أخرك و كنتي مع مين و الكلام ده لغايه ما ماجد رجع , قالت لي " خلاص لينا كلام بعدين , يلا حطي الاكل لاخوكي عشان ياكل " اتغدينا انا و ماجد و ماما , و جينا نقوم ماما بصت ليا عشان اساعدها في غسيل المواعين و ماجد دخل ينام , غسلت المواعين و قعدت اتفرج علي التلفزيون مسلسلات تركي علي افلام عربي علي البرامج الممله بتاعه التوك شو لغايه ما ماجد قام و نزل بصيت لماما و قلت لها "ماما انا مخنوقه من البيت ممكن اروح لخالتي في اول الشارع " قالت لي لا مفيش نزول بعد الساعه 8 , قلت لها " اشمعنا ماجد ؟؟ " قالت لي عشان هو ولد .. , انا ساعتها كتمت في نفسي , ماما لاحظت , قالت لي خلاص تعالي ننزل نروح لخالتك نقعد نص ساعه و نرجع . فرحت اوي و طبعا بعد ما ماما اختارت لي اللبس نزلنا و روحنا لخالتي و احنا عندها جيه لخالتي تليفون ان جوزها وقع في الشغل و نقلوه لمستشفي, خالتي نزلت جري علي المستشفي و طبعا احنا معاها ماما بتحاول تتصل بماجد تليفونه مقفول و هي قلقانه عليه و انا أطمنها انه اكيد شحنه خلص و هي تقولي لو شحنه خلص ليه ميتصلش يطمن علينا او يطمنا عليه !! , المهم روحنا المستشفي لاقينا جوز خالتي حالته صعبه و المستشفي طالبه مبلغ تحت الحساب عشان تدخله العمليات , ماما عملت كل التليفونات الممكنه هي و خالتي و مفيش فايده , لغايه ما جوز خالتي مات في الاستقبال فجاءه خالتي اتجننت و فضلت تضرب في الرجل بتاع الحسابات بضوافرها لغايه ما شوهت له وشه و طلبوا لنا البوليس و دخلنا القسم مع خالتي و هناك الظابط محترمش سنها الكبير و لا قدر ظروفها و دخلها الزنزانه مع بتوع الدعاره و المخدرات , مكنش قدامنا انا و ماما غير ان احنا نرجع البيت عشان مكنش قدمنا حل تاني .. رجعنا و في الطريق انا و ماما مروحين علي وش الصبح و خلاص قربنا علي بيتنا اتلموا علينا كام شاب بيان عليهم شاربين و فضلوا يتلزقوا فينا و واحد منهم شدني من هدومي اقطعها , امي فضلت تصرخ لغايه ما واد منهم خرج ماطوه و ضربها في جنبها , فضلت تنزف و انا مش عارفه اعمل ايه ؟؟ جريوا كلهم فضلت اصرخ و قلت اوصل ماما لغايه البيت , عشان البيت كان قريب , يمكن ماجد يكون رجع يساعدني , قربت من البيت و انا مسنده ماما لاقيت ماجد داخل باب العماره , جري علينا :
ماجد : في ايه يا ماما ؟؟
امي : في ان امك اضربت و اختك اتبهدلت و انت و لا هنا , ليه كده يا ماجد , ده انت قلبي و روحي و عقلي و كل حاجه بالنسبه لي , انا كنت بقول لاختك ماجد ده راجل البيت بعد ابوكي , ربنا ينور طريقك يا ابني .
و فجاءه امي وقعت علي الارض .
____________________________________
, انا لا ماجد و لا ماجده , انا انسان عايش في مجتمع بيبص للبنت كانها حد ناقص لو زعقت في الشارع تبقي سافله اما لو ولد زعق يبقي راجل و و بياخد حقه , لو نزلت متأخر تبقي مش محترمه اما لو ولد يبقي حقه , لو غلطتت تستحق القتل اما لو ولد عادي بيتعلم .... للاسف عايش في مجتمع بيقسم الولد و البنت من مجرد الشكل خارجي و مش واخدين بلهم ان في بنات بميت راجل , و الوقت نفسه في رجاله لا متستحقش لقب راجل
.jpg)
اكثر من كلمة رائعة ملقتش
ردحذف